Lehistannıñ qanunlarına mücibi, bu ülkede meskenni qıdırğan ukrainalılarnıñ bedava uquqiy yardımğa aqqın bar. Aşağıdaki teşkilâtlarda bu tür yardım almaq mümkün:
- Uquqiy Yardım İdare Merkezi. Bu merkez, cenk ve taqipler sebebinden öz ülkesinden ketmege mecbur olğan ve Lehistanda mesken qıdırğan insanlarğa bedava uquqiy yardım bere.
Adres: ul. Towarowa 25A, 00-869 Warszawa.
Alâqa malümatı: +48 800 088 544, [email protected]. Bazarertesi – Cuma künleri 10:00 – 19:00 sıcaq hat çalışa.
- Lehistan Adliye nazirligi uzurında Adalet fondu. Cinayetlerniñ qurbanları, şaatlar ve aqrabalarına, şu cümleden Ukrainada silâlı tecavuznıñ qurbanlarına, acele ve bedava yardım ete.
Adres: Al. Ujazdowskie 11, 00-567 Warszawa.
Alâqa malümatı: +48 222 309 900, [email protected]. 24 saat ingliz ve ukraince mesleat berilir.
- Meskenni qıdırıcılar içün yardım noqtaları. Mında bedava uquqiy, ruhiy ve tibbiy yardım berilir. Bağlantığa basıp, yañı qıdıruv sisteması yardımınen sizge eñ yaqın noqtasını tapmağa yardım etecek.
- Ukraina içün uquqçılar. Facebook gruppası, uquqiy yardımğa ihtiyac duyğan ukrain vatandaşlarını ve onı bedava bermege razı olğan leh uquqçılarını birleştirir.
- Ukrainadan mesken qıdırıcıları içün uquqiy portal. Mında ukrainalılar, eñ tarqatılğan suallerge dair malümat ögrene bilirler: sıñırnı keçüv, bulunuvnıñ qanunlaşması, Lehistanda ukrainalırğa ve bulunmalarına ait olğan qanun deñişmeleri.
Şu anda Lehistanda 1500 uquqiy yardım noqtası bar. O yerge em Lehistan vatandaşları, em de bu ülkeniñ toprağında yaşağan ecnebiyler hitap ete bilirler. Bağlantığa basıp, kerekli yerde noqta sayılmaq mümkün.