Ecnebiy ülkelerde vaqtınca bulunğan Ukraina vatandaşları, bulunğanları ülkede içtimaiy ödemelerni ala bilirler. Amma bundan evel Ukrainada olarğa ödengen içtimaiy yardımnı red etmek kerekler, dep İçtimaiy siyaset nazirligi haber berdi.

 

İçtimaiy yardımnı uzaqtan red etmek mümkün. Bunı yapmaq içün mecburiy rekvizit bilgilerini qayd etip, serbest şekilde ariza yazmaq kerek:

 

• vatandaşnıñ qayd etkeni ealini içtimaiy qorçalav organınıñ adı;

 

• yardım alıcınıñ adı, soyadı ve (bar olsa) babasınıñ adı;

 

• qayd etkeni yaşayış/bulunma yeriniñ adresi;

 

• cep telefonınıñ alâqa nomerası;

 

• (bar olsa) elektron poçta;

 

• alınğan yardımnıñ türü (misal olaraq, bala doğğanda yardım, vasiy etilgen balalar içün yardım, az temin etilgen ailelerge içtiamiy yardım, balalıqtan saqatlı insanlarğa ve saqatlı balalarğa devlet içtimay yardımı ve ilâhre).

 

Ukrainada ealini içtimaiy qorçalav maqbul organınıñ poçta adresine ya da elektron poçtasına ariza yollamaq kerek. Rayon devlet memuriyetleri, şeer ve şeer şeurasındaki rayon icra organlarının saytlarında bu tür organlarnıñ alâqa malümatı yayınlandı.

 

Vatandaşnıñ istegi olsa, hitapnıñ yollanğanı ealini içtimaiy qorçalav organı yardımnı almaması aqqında vesiqanıñ skan-kopiyasını yollaya bilir.

 

Ukrainada mesken subsidiyadan ya da mesken-kommunal hızmetlerini ödeme, qattı ve şingen turmuş yaqarlığını ve sıvılaştırılmış gaz alma imtiyazından vazgeçüv mehanizmi aynıdır. 

 

Bağlantığa basıp, içtimaiy ödemeler ve imtiyazlarnı red etüv protsedurası aqqında tafsilâtlıca oqumaq mümkün.