Vitse baş nazir İrına Vereşçuknıñ başlığınen Ukraina vatandaşlarınıñ VİETdan Ukrainağa üçünci ülkelerniñ topraqları vastasınen kelmeleri ni temin etüv meseleleri idare ştabınıñ oturışı keçirildi.

Kün esas mevzularından biri – parlamentte 9069. qanun leyhasını ozğaruvdır. O vastasınen makeme tış (memuriy) vaqtınca işğal etilgen topraqlarda olğan grajdan al aktlarını qayd etüv devlet protsedurasını kirsetmege teklif etile. UYŞnıñ Uquqiy siyaset meseleleri eyyeti, maqbul İş gruppasını teşkil etti. Onıñ vazifesi – mezkür qanun leyhasını işlemektir.

Bundan ğayrı, şu anda ecnebiy ülkelerde bulunğan ösmürlerniñ ID-kart şeklinde ilk Ukraina vatandaşlığı pasportını almalarına dair mesele muzakere etildi. Birinciden vesiqanı almalı olacaq şahısnıñ uzaqtan identifikatsiya protsedurasını işletmektir. Şu anda TİN ve DMH bu tür identifikatsiya mehanizmini azırlaylar.

Avropa ülkelerinde ve Türkiyede DMH, mobil ve statsionar noqtalarını açma vaziyeti aqqında esaba berdi. Bugün Türkiye (İstanbul), Çehiya (Praha), Slovakiya (Bratıslava), Lehistan (Varşava, Hdansk, Krakiv, Vrotslav), Almaniya (Berlin, Keln) ve İspaniya (Valensiya, Madrid) kibi ülkelerde “Vesiqa” DMniñ ayrı bölükleri ukrainalılarğa hızmet eteler. Kelecekte İtaliyada ve Büyük Britaniyada “Vesiqa” DMniñ bölüklerini açmağa planlaştıralar.

Umuemn ayrı bölüklerniñ çalışqanı vaqıt devamında Ukraina vatandaşları içün eñ az 325 biñ vesiqa resmiyleştirildi.