Vitse baş nazir İrına Vereşçuk, Dnipropetrovsk vilâyetiniñ Pidhorodnensk cemaatındaki mesken binağa raketa ücümi neticesinde yaralanğan ve hastahanede yatqan balalarnı ziyaret etti.

Üç bala. Eñ kiçik olğan Davıdnıñ 6 yaşı bar. Eki büyükçe: Oleksandrnıñ 15 ve Denısnıñ 11 yaşı bar. Ücüm neticesinde yaralanğan beş bala arasında olar eñ çoq yara aldı. Amma ekimler, olarnıñ vaziyetlerini stabilleştirdiler ve balalarnıñ ayatlarınıñ telüke astında olmamaları içün er şey yaptılar.

Vitse baş nazir, yaralanğan balalarnen laf etti. O facialı kün nasıl yaralanğanlarını añlattılar. Oleksandr öz başında evde edi. Oğlan inandırdı ki, ana-babasınıñ yanında olmağanıdan ve olarnıñ yaralanmağanlarından bahtlıdır. Duşman raketası mesken binağa urğanda Denıs ve qomşusı Davıd öz ana-babalarınen evde ediler.

İrına Vereşçuk, balalarğa ve ana-babalarına çabikçe tedaviylemege tiledi.

“Cenkniñ qorqunçlıqlarını yaşamağa mecbur olğan kiçik ve büyük ukrainalılarğa çabikçe tedaviylemege açıq göñülden tileyim. rusiye – tınç yaşağan ealini ücüm etken terrorcı bir devlettir. Buña ait olğan er kesniñ eñ şiddetli ceza almaları içün er şey yapacaqmız. Kimniñ ve qayda olğanlarına baqmadan”, – dep İrına Vereşçuk qayd etti.