Vitse baş nazir İrına Vereşçuknıñ başlığınen VİETdan köçken tasil müessiseleriniñ işine dair oturış keçirildi.

Muzakere ceryanında Tasil ve ilim naziri Oksen Lisovıy, Yuqarı Şuranıñ tasil, ilim ve yañılıqlar meseleleri eyyetiniñ başı Serhiy Babak, Prezidentniñ Ofisi, Maliye nazirligi, İqtisadiyat nazirliginiñ vekilleri ve köçken tasil müessiseleriniñ reberleri iştirak ettiler.

Laf, köçken tasil müessiselerini devlet seviyesinde destekni temin etmek kerekligi aqqında edi. Şu cümleden, olar içün devlet yerleriniñ deñişmez sayısını yañıdan bermek. Bu, studentlerni bu tür müessiselerge kirmege rağbetlendirecek.

VİETdan studentler ve devlet içinde alınğan kişilerniñ devlet yerlerine keçirilmeleri aqqında qarar semereli tarzda keçirildi. Amma VİETdan abituriyentlerniñ devlet yerine oqumağa kirme imkânını kenişletüv meselesi alâ daa aktualdir, değ ReNazirliginiñ reberi inana.

Topraqlar işğalden azat etilir-etilmez al etilmeli olacaq esas vazifeler arasında bu tür tasil müessiseleriniñ malümat-tehnikiy bazasını yañıdan yaratuv ve olarğa ocalarnıñ qaytmalarıdır.

Çünki tamam akademik cemaat, tasil ve meseniyet reintegratsiyasınıñ temeli olmalı. Tamam tasil alğan gençlik, azat etilecek bölgelerniñ yañıdan qurulması ve inkişaf etmesi içün potentsial doğuracaq, dep vitse baş nazir qayd etti.

“Bizim vazifemiz – Ükümet ve köçken tasil müessiseleri arasında kommunikatsiyanı daa pekitmektir. Tek bu format, meselelerni ögrenmege ve olarnı çezmege başlamağa yardım etecek. Endi bugün VİET işğalden azat etilecek soñ anda yaşayış yañıdan yaratmağa azırlanmalımız. Tasil alğan gençlikni, serbest Ukrainanıñ kelecegi olaraq körem”, – dep İrına Vereşçuk hulâsa çıqardı.