Vitse baş nazir İrına Vereşçuk, “Prıhıstok” programması çerçivesinde Herson vilâyetiniñ zarar körgen sakinlerini yerleştirmege razı olğan insanlarğa teşekkür bildirdi. Milliy haberler telemarafonınıñ canlı yayınında bu bildirildi.

Vitse baş nazir hatırlattı ki, tolu miqyaslı cenkniñ birinci aylarında mezkür Ükümet programması semereli oldı. Kahovka GESdaki vaqiadan soñ kütleviy tahliyege ihtiyac peyda oldı. Programma daa bir kere semereligini kösterdi.

“Prıhıstok” programması pek yahşı çalışa. İnsanlarnıñ lâqaytsızlığı yardımınen köçip kelgen insanlarnıñ yahşı şartlarda yaşamaq imkânı bar. Ve ses bergen ev saplerine pek minnetdarım”, – dep İrına Vereşçuk ayttı.

Hatırlatamız ki, ReNazirligi “Prıhıstok” leyhasınıñ cevapkâr icracısıdır.

Ev saipleri ilânlarnı vastasız yayınlaylar. Boş mesken tekliflerini körmek içün “Prıhıstok” saytında qayd etmek ve filtr sisteması yardımınen mesken tapmaq ve sayılğan variantnıñ saibinen bağlanmaq kerek. Ev saipleri ise kommunal hızmetlerini ödemek içün devlet tazminatını alacaqlar.