Ukrain akimiyetiniñ soravına AB, rescEU hazinesinden öz strategik yedegini mobilizatsiya ete. Avropa eyyetiniñ saytında bu aqqında haber berildi.

Şu anda 16 avropa ülkesi – Avstriya, Belçika, Bulğaristan, Çehiya Cumhuriyeti, Danimarka, Estoniya, Finlandiya, Frenkistan, Almaniya, Latviya, Litvaniya, Felemenk, Norvegiya, Lehistan, İspaniya ve İsveçiya – Ukrainağa tehnogen felâketniñ neticelerini yoq etmege yardım etmege teklif ettiler.

Yardım suv savutları, suv pompaları, gemiler, qurtarıcı aletler, generatorlar ve zarar körgen rayonlar içün kerekli başqa eşyalardan ibarettir.

Avropa eyyeti Ukrainağa suvnıñ işlenmesi içün üç quvetli mobil stantsiyanı bermege qarar berdi. Er biri künde 120 biñ litre temiz suv bere bilir. Bu, yerli alimiyetke suvnen basılğan zonadaki eñ aktual meselelerden birini al etmege yardım etecek.

Bundan ğayrı AB, Ukrainada zarar körgen topraqlarnıñ sakinlerini ilk kerekli eşyalar, içilir suv, para yardımınen ve vaqtınca mesken yaratmaq içün aletlernen temin etmek maqsadınen gumanitar teşkilâtlarnen işini idare ete.