Estoniya Parlamenti, Ukrainağa qarşı tecavuz cinayetini planlaştırğan ve yapqan insanlarnı mesüliyetke çeküv talabınen arizanı tasdıqladı. Bunıñ içün BMTnıñ imayesinen halqara mahsus makeme ceryanını yaratmağa da çağırdı.

Arizada parlamentniñ mebusları qayd ettiler ki, rusiye federatsiyasınıñ Ukrainağa qarşı tecavuzlı cenki – Ekinci cian cenki vaqıtlarından Avropadaki eñ insafsız tecavuz aktıdır. Oña maqbul qarşılıq köstermek kerek.

Arizağa mücibi, rusiyeniñ Ukrainada cinayetlerine dair halqara mahsus makeme ceryanınıñ işini yaratmaq ve temin etmek, Estonianıñ tış siyasetiniñ prioriteti ola.

Bundan ğayrı mebuslar, bütün dünyada başqa ülkelerniñ ükümetleri ve parlamentlerini BMTnıñ imayesinen makeme ceryanınıñ yaratılmasına faalca qatılmağa çağırdılar.