Ukrainada raqamiy servisler vastasınen içtimaiy hızmetler almaq mümkün, dep İçtimaiy siyaset nazirligi haber berdi. Bu, cenk sebebinden evlerinden ayırmağa ve ülkeniñ telükesiz bölgelerine köçmege mecbur qalğan ukrainalılar içün ayrıca faydalıdır.
Bunıñ içün hatırlatamız, aşağıdaki hızmetler online şekilde almaq mümkün:
- DAK statusını vesiqalaştırmaq ve yaşayış içün para yardımını ödeme arizasını bermek
Qullanımda ve Diia portalında statusnı uzaqtan vesiqalaştırmaq mümkün. Serviste DAKniñ faktik yaşağanı adresni deñiştirmek ve DAK statusını lâğu etmek te mümkün.
Bağlantığa basıp, DAKge dair eñ aktual suallerge cevaplar tapmaq mümkün.
- Pensiya vesiqalaştırmaq
Ukraina Pensiya fondunıñ elektron hızmetler veb portalında bunı yapmaq mümkün. Bağlantığa basıp, adımlar talimatını oqumaq mümkün.
- Subsidiya vesiqalaştırmaq
İçtimaiy siyaset nazirliginiñ saytındaki “E-servisler” bölüginde (talimat), Ukraina Pensiya fondunıñ elektron hızmetler veb portalında (talimat) ve Diia portalında subsidiya vesiqalaştırmaq mümkün.
- Bala doğurğanda içtimaiy yardım berüv
“Bala doğurğanda yardım” bölügini qullanaraq, ana-babadan biri ya da balanen er vaqıt yaşağan vasiy ariza online bere bilir.
- Bala doğuruv şeadetnamesi
yeMalâtko servisi vastasınen balanı doğuruv vaqiasını online şekilde qayd etmek mümkün. Bundan ğayrı, bala içün kerekli devlet hızmetini serviste almaq mümkün. Hızmetler almaq içün tibbiy neticeniñ ya da bala doğuruv vaqiasını tasdıqlağan makeme qararınıñ nomerası kereklidir.