“İnter” telekanalınıñ canlı yayınında vitse baş nazir İrına Vereşçuk bunı bildirdi.

O añlattı ki, laf Ukraina Ükümetinden 5 biñ grivnalıq ve Halqara migratsiya teşkilâtından 6,6 biñ grivnalıq bir kerelik para yardımı aqqındadır. Yardım, Kahovka GESnıñ patlaması neticesinde zarar körgen sakinlerge berilir.

Vitse baş nazir qayd etti ki, bozarğan aynıñ 6-sından başlap vaqtınca işğal etilgen suvnen basılğan topraqlardan Ukraina Ükümetiniñ kontrol etkeni topraqlarğa köçip kelgen sakinler de bu tür ödemelerni ala bilirler.

“Herson vilâyetiniñ sol yalısından tahliye etken insanlar da bu tür ödemelerni ala bilirler. Misal olaraq, Oleşkı, Hola Prıstan ve ilhâre meskün yerlerniñ sakinleri. Olar, ukrain Ükümetiniñ kontrol etkeni topraqlarda bulunğan insanlar kibi 5 biñ ve 6,6 biñ grivna alacaqlar. Soñ işğal etilge topraqlardan ketken insanlarnıñ bu aqqı da olacaq. Şu anda bilemiz ki, insanlar VİETdan kütleviy olaraq ketmege başladılar. Olar bunı yapmaq içün çareler ve yollarnı qırıdalar. Biz ise olarnı bekleymiz ve olar bu tür yardım ala bilirler”, – dep İrına Vereşçuk hulâsa çıqardı.