Latviya, 2023 senesiniñ soñuna ukrainalılarnı vaqtınca qorçalavnıñ müddetini uzattı. 2023 senesi bozarğan aynıñ 1-inde ülkeniñ Ükümeti maqbul teşebbüsni tasdıqladı. Ukraina Yuqarı Şurasınıñ insan aqları vekili Dmıtro Lubinets bu aqqında haber berdi.
Keçenlerde bu tür programma 2023 senesi bozarğan aynıñ 30-ına qadar irişilir edi, amma şu anda qorçalavnıñ müddeti 2023 senesiniñ soñuna uzatıldı.
Böylece ülkede birinci 120 ay devamında maliyeviy imkânlarına baqmadan ukrainalılar bedava yaşayış ve aşnen temin etilecekler.
120 künlik müddetten soñ ukrainalılarnıñ tek aşağıdaki gruppaları bedava meskende yaşaya bilirler:
- saqatlı ve baqılğan insanlar;
- pensiya yaşındaki insanlar;
- Latviyada mektepten evel, başlanğıç, umumiy orta ya da ihtisaslı orta tasil müessiselerinde kün formatında oquğan ya da yüksek tasil yurtunıñ kün formatında studenti olğan insanlar;
- ağır ayaqlı ve doğuruv tatilinde olğan qadınlar;
- balanıñ ana-babasından biri onı baqqan.