Dört vilâyette – Vinnıtsâ, Dnipropetrovsk, Lviv ve Mıkolayiv vilâyetlerinde deñev leyhası başlaycaq.

Vitse baş nazir İrına Vereşçuknıñ başlığınen Devlet içinde alınğan kişilerniñ aq-uquqlarını kerçekleştirmege temin etüv meseleleri idare ştabınıñ oturışında bu aqqında subet oldı.

Tedbirde ReNazirligi, Veteranlar nazirligi, İçtimaiy siyaset nazirligi ve Maliye nazirligi, vilâyet arbiy memuriyetleriniñ vekilleri iştirak ettiler.

Şu cümleden, oturışnıñ iştirakçileri Nazirler Kabinetiniñ arbiy hızmetten tınç yaşayışqa keçüv sistemasında veterannıñ yardımcısı institutını yaratmağa dair deñev leyhası aqqında qararınıñ yerine ketirüv alını muzakere ettiler.

Laf, cebeden qaytqan ukrain Qorçalayıcılarına tınç yaşayışqa adaptleştirmege yardım etecek mütehassıslar aqqındadır. Teñlik printsipine mücibi, yañı beñzegen yaşayış tecribesine saip olğan insanlar prioritette olacaqlar.

Veteran inkişafı merkezlerinde tesbit etilgen yüksek tasil yurtları temelinde veterannıñ kelecek yardımcılarını ögretecekler. Dnipro şeerinde Bergi işi ve maliye universiteti temelinde bu tür merkezlerden biri endi açıldı. Bundan ğayrı cenk veteranları ve aileleriniñ azalarını ozğaruv mütehassıslarını ögretmek içün mahsus oquv programmaları endi azırlandı.

Qayd etemiz ki, bağlantığa basıp, veterannıñ yardımcısı vazifesi konkursında iştirak etmek içün ariza online bermek ve leyha aqqında tafsilâtlıca malümat oqumaq mümkün.