Felemenkteki Gaaga şeerinde Ukrainağa qarşı tecavuz cinayetlerini taqip etüv haqlara merkezi (ICPA) çalışmağa başladı. Onıñ terkibinde Ukraina, AB, AQŞ ve Halqara cinaiy makemeniñ vekilleri.
Hatırlatamız ki, 2023 senesi saban ayında Lvivde United for Justice konferentsiyası vaqtında ICPAnı teşkil etmege qarar berildi. O zaman orta taqiqat gruppasınıñ (JIT) azası olğan ülkelerniñ baş prokurorları, Avropa adliyesiniñ esasında Ukrainağa qarşı tecavuz cinayetlerini taqip etüv haqlara merkezini teşkil etüv aqqında añlaşmasına bir ilâve imzaladılar.
Bu merkez delilerni toplaycaq, milliy ve halqara seviyelerde kelecek makeme ceryanları içün olarnı talil etecek. ICPA çerçivesinde prokurorlar, tecavuz cinayetlerini taqip etmek içün davalarnı tüzetecekler. Telükesiz bir yerde merkezleştirilgen tarzda deliller toplanacaqlar.