Bir sene boyunca yeİş leyhası çerçivesinde grantlar vastasınen devlet, biznesniñ inkişafına 4 mlrd grivna yatırım etti. Ukraina iqtisadiyat nazirligi bu aqqında haber berdi. 

2022 senesi oraq ayında bizneske ve yañı iş yerleriniñ yaratılmasına yardım etmek içün Ükümet leyhanı teşebbüs etti. Grant programması çerçivesinde iş insanları öz biznesini açmaq ya da inkişaf etmek içün para, yañıdan yapuv müessiseleri ve bağçalar, bağlar ve tevhane hocalığını teşkil ve inkişaf etmek içün grantlar ala bilirler.

Böylece, leyhanıñ neticelerine köre:

• “Öz işi” programması çerçivesinde umumen 1,2 mlrd grivnalıq 5061 mikrogrant berildi;
• yañıdan yapuv müessiseleriniñ inkişafına umumen 2,4 mlrd grvinalıq 455 grnat berildi;
• bağçalıq ve tevhane hocalıpınıñ inkişafına ise 325 mln grivnalıq 88 grnat berildi.

Grant almaq içün kerekli şart – yañı iş yerlerini yaratmaqtır: mikrogrant alıp 1-2 yerden, başqa programmalarğa mücibi grantlarnı alıp bir qaç on yerge qadar. Devletke grant paraları, müessiseniñ 3 senelik faaliyei ceryanında ödengen bergi ve ödemler olaraq yollanır.

Em iş insanları, em de binzes saasında tecribege saip olmağan insanlar grant ala bilirler. Diia portalında ariza bermek mümkün.