Vitse baş nazir İrına Vereşçuknıñ başlığınen VİETdan Ukraina vatandaşlarınıñ ketmelerini temin etüv meseleleri idare ştabınıñ oturışı keçirildi.

 

Vaqtınca işğal etilgen topraqlardan ketken vatandaşlarnıñ pasportlarını vesiqalaştıruv/yañıdan vesiqalaştıruv meseleleri muzakere ettiler.

 

Şu cümleden, VİETda yaşağan vaqıt 14 yaşına yetken balalarnıñ ilk Ukraina vatandaşı pasportını vesiqalaştırması. Ukraina Devlet migratsiya hızmeti bu cümleden añlatma bildirdi.

 

Böylece, 14 yaşına yetken insan, DMHniñ et bir topraq bölügine hitap etip, aşağıdaki vesiqalar bermeli:

 

• Bala doğma şeadetnamesi ya da Vatandaşlarnıñ grajdan al aktları devlet sicilinden şeadetname (mevcut olsa). Eger vesiqa olmasa, DMHniñ işçileri öz başına malümatnı teşkerirler.

 

• Ana-babanıñ ya da biriniñ pasportı (Ukraina vatandaşlığına ait olmasını tanımaq içün). Eger insan ana-babasınen bağlanmasa ya da cenk vaziyeti sebebindn olarnı beremezse, bu tür vesiqalar aqqımda malümat bermek yeretlidir.

 

• Eger ana-babadan biri ecnebiy ya da vatandaşsız olsa, insannı Ukraina vatandaşı qayd etüv malümatnamesi berilir.

 

• Bundan ğayrı mevcut olsa, bergi ödeyiciniñ kartınıñ cedvel nomerası berilir.

 

Vatandaşlıq ve ana-babanıñ (biriniñ) kişiligini tanığan vesiqalar olmasa, arizacı bu tür vesiqalarnıñ kopiyalarını ya da ana-babanıñ (biriniñ) malümatı (şahsiy bilgileri) bere bilir.

 

DMH qayd etti ki, mezkür vesiqalarnıñ kopiyalarınıñ berilmesi, pasportnı vesiqalaştırmaq içün arizacınıñ mecburiyeti olmay ve pasportnı vesiqalaştırmağa red etmekniñ sebebi olmay.