Ukrainanıñ yañıdan qurulmasında qadınlarnıñ rolü soñ derecede müimdir. Bugün Ukrain qadın kongressiniñ mahsus vaqiası tamam bu mevzuğa bağışlandı.

Tedbirniñ panellerinden birini – “Yañıdan quruv vaqtında esas çağıruvlar” – vitse baş nazir İrına Vereşçuk açtı.

Onıñ sözlerine köre, cenk vaziyetinde bütün qadınlar öz yerinde bulunalar ve cevapkâr olurlar. Olar, yerli akimiyet organlarında reberlik vazifelerini yaparlar, Tınç yaşağan ealini destek idare-mesleat merkezleriniñ reberleri olaraq çalışırlar ya da veteranlarımız ve devlet içinde alınğan kişilerimizge ruhiy yardım eterler.

Aynı zamanda ecnebiy ülkelerge ketken ukrain qadınlarınıñ qaytmaları içün temel qoymaq ta müimdir. Qaytıp, olar keleceginden emin olmalılar: öz ve balalarınıñki. Laf yaşayış şartları, tasil alma imkânı, iş ve umumen telükesizlik aqqındadır. Ukraina içün epimiz birlikte böyle kelecek yaratmalımız.

Bütün bizim topraqlarımız azat etilecek soñ milletniñ ruhiy sağlığı, esas çağıruv olacaqtır, dep memur qayd etti.

 “İnsannı reabilitatsiya etmelimiz. Çünki tamam insan, yañıdan quruv ceryanınıñ ortasında tura. İnsannıñ ruhiy sağlığını qorçalamaq – bizim esas çağıruvımızdır. Ve bizim qadınlarımız bunı nasıl yapmaq mümkün olğanını bileler”, – dep vitse baş nazir qayd etti.