Tedbirde Poltava VAMniñ reberi Dmıtro Lunin, halq mebusları, Lehistan elçiliginiñ vekilleri, Halqara birdemlik fondunıñ idaresiniñ başı Rafal Dzentsölovskıy ve “Telükesiz dam tübünde” leyhasınıñ idarecisi Tomaş Hjıb ve halqara gumanitar teşkilâtlarnıñ vekilleri iştirak ettiler.

“Telükesiz dam tübünde” leyhası çerçivesinde halqara donorlar ve Poltava VAMniñ orta ğayretlerinen modul şeerçigi quruldı ve donatıldı. Büyük Britaniyanıñ Ükümetiniñ maliyeviy desteginen Lehistan haqlara birdemlik fondu onı yerine ketirdi.

Umumen şeer, 240 moduldan ibarettir, anda 300 insan yerleştirmek mümkün. Şimdi anda Harkiv, Donetsk, Luhansk, Zaporijjâ ve Dnipropetrovsk vilâyetlerinden tahminen yüz köçip kelgen insan yaşay. İrına Vereşçuk, yaşayış şartlarını teşkerdi ve sakinlerinen subet etti.

“Bu modul şeerçiginiñ qurulması, halqara cemaatnıñ Ukraina etrafında birligini kösterdi. Lehistan halqara birdemlik fondu ve Büyük Britaniyanıñ Ükümetine açıq göñülden teşekkür bildirmege isteyim. Cenkniñ ilk kününden berli bu eki ülke devletimizge yardım ete. Ve daa bir kere isbatladılar ki, birdemlik sıñırlardan bağlı olmay, kerçek destek ise merametli işlerdedir. Ümüt etem ki, mında bizim devlet içinde alınğan kişilerimiz tenalıq ve qayğıruv duyacaqlar. Çünki bu, balaban insaflıq, hassaslıq ve merametli göñüller leyhasıdır”, – dep vitse baş nazir qayd etti.