“Mı – Ukraina” (“Biz – Ukrainamız”) telekanalınıñ studiyasındaki canlı yayın vaqtında vitse baş nazir İrına Vereşçuk bunı bildirdi.

Onıñ sözlerine köre, milliy telükesizlik mesleatçıları ve siyasiy müdirler seviyesinde Saudi Arabistanda keçirilgen ekinci körüşüv, Prezident Zelenskıynıñ Barışıq formulasınıñ esas printsiplerini köstermek içün yahşı bir platforma oldı.

Memur qayd etti: “Bu körüş, rus propagandasınıñ, tek Ğarp Ukrainanı destek ete dep, laflarını yoq etti. Saudi Arabistan özü bunıñ doğru olmağanını ve aksinesini isbat ete: dünya bizni destek ete”. 

Vitse baş nazirniñ fikrine köre, şu anda biz eki formulanıñ yarışını köremiz. putinniñ şantajnen formulası. Şu cümleden özek, ekologik genotsid, genotsid ve ilâhre. Ruslar şantajnı kelecek dünya nizamınıñ temeli olaraq teklif eteler. 

Zelenskıynıñ formulası ise – qıymetler ve er bir şantajnıñ yoq etilemsidir. Ayrıca özek şantajı. Saudi Arabistanda körüşüv, dünyanıñ qaysı formulanı destek etmege azır olğanını kösterdi.

“Rusiye, bu blitzkriegni yutturdı. Ve onıñ mağlübiyet kontrularını ufuqta körmek mümkün. Amma ğalebe qazanmaq içün çoq çalışmalımız. Dünyanıñ cevapkâr vekilleri, Ukrainanen beraber kelecek dünya nizamı mevzusını muzakere etmege toplandılar, çünki biz cenkniñ eñ büyük yüküni taşıymız. Demek ki, cenkten soñ kelecekniñ geosiyasiy konstruktsiyasını şekillendirüv ceryanında liderlerden biri olacaqmız”, – dep İrına Vereşçuk qayd etti.