“Suspilne TV”nıñ canlı yayınında vitse baş nazir İrına Vereşçuk, Belhorod ve Sumı vilâyetleriniñ sıñırındaki keçit noqtasınıñ yañıdan çalışmasını böylece tefsir etti. Memur hatırlattı ki, o arman ayınıñ 5-sinde çalışmağa başladı. O zamandan berli er kün yüzlerce insan onı Sumı yönelişine keçeler.

Vitse baş nazir tafsilâtlıca añlattı ki, Pokrovkadan Krasnopillâğa bedava avtobuslar keteler. Anda raatlana, tibbiy yardım ve gumanitar yardım, kelecek köçüv içün bütün kerekli malümat ala bilgeniñiz ilk noqtalar yerleşeler. Şu cümleden, anda Sumıdan Kıyivge mahsus tahliye treni, Harkivge dolmuşlar, ala bilgeniñiz para yardımı ödemeleri aqqında malümat ögrene bilirsiñiz.

Bundan ğayrı, İrına Vereşçuk qayd etti ki, devlet vatandaşlarımıznıñ Ükümetniñ kontrol etkeni topraqlarğa maniasız kete bilmeleri içün çoq ğayret köstere. Misal içün, vesiqalar meseleri olsa.

“Eger balanıñ tek doğğan şeadetnamesi olsa, bizin sıñır hızmetimiz onı keçirecek. Eger pasport olmasa, amma başqa bir vesiqa ya da şeadetname olsa, bu da mümkün. İşğalciler pasportnı ala ya da yoq ete bilirler. Onıñ yoq olması sebebinden insanlar telükeli topraqlardan çıqmağa sıq sıq qarar beremezler. Men, bu imkânnı qullanıp, mevcut gumanitar koridor vastasınen kontrol etkenimiz topraqlarğa ketmege çağıram”, – dep vitse baş nazir hulâsa çıqardı.