Bugün vitse baş nazir İrına Vereşçuk, Puşça Vodıtsâdaki “Lisova Polâna” veteranlarnıñ ruhiy sağlığı ve reabilitatsiyası merkezini ziyaret etti.

 

“Lisova Polâna” – veteranlar ve ukrain qorçalayıcılarınıñ tedaviylengenleri ve reabilitatsiya keçirgenleri merkezdir. Olar içün merkezniñ mütehassısları, reabilitatsiya ve ruhiy ozğaruvını temin eteler.

 

Anda İrına Vereşçuk, devlet veteran siyasetlerini zemaneviyleştirüvnen bağlı strategik sessiyada iştirak etti.

 

Tedbirde ReNazirligi, Veteranlar nazirligi, İçtimaiy nazirlik, İqtisadiyat nazirligi, Ukraina Prezidentiniñ Ofisiniñ vekilleri, içtimaiy ve hayriye teşkilâtlarınıñ vekilleri ve başqaları iştirak ettiler.

 

Veteranlarnıñ reabilitatsiyası ve yañıdan cemaatqa qatılmaları aqqında laf ettiler. Vitse baş nazirniñ sözlerine köre yerli akimiyet ve cemaatlar, veteranlarnıñ adiy ayatqa qaytmalarında müim rol oynaylar.

 

Bundan ğayrı, veteran siyasetinde tapılğan meselelerge ve çalışacaq qararlarnı qıdıruv ceryanına diqqat ayırdılar. Ayrıca bedeniy ve ruhiy reabilitatsiyanen bağlı olğan meselelerge. İçtimaiy-iqtisadiy integratsiya meseleleri de pek müimlerdir.

 

“Devlet olaraq bizim vazifemiz, veteranlarnıñ itibar, telükesizlik ve işanç duymaları içün er şey yapmaqtır. Bunıñ içün keyfiyetli devlet veteran siyasetini mükemmelleştimelimiz ve şekillendirmelimiz”, – dep İrına Vereşçuk hulâsa çıqardı.