Vitse baş nazir İrına Vereşçuknıñ başlığınen veteranlar ve askerlerge ruhiy ve başqa hızmetlerni berüv meseleleri oturışı keçirildi.

 

Anda ReNazirligi, İçtimaiy siyast nazirligi, Veteranlar nazirligi, Sağlıq nazirligi, İİN, İqtisadiyat nazirligi, Mudafaa nazirligi, USQ, Nazirler Kabinetiniñ uzurında Ruhiy sağlıq idare merkezi, vilâyet arbiy memuriyetleri, içtimaiy ve halqara teşkilâlarnıñ vekilleri ve başqaları iştirak ettiler.

 

İştirakçiler, Topraq komplektatsiya merkezleriniñ (TKM) işini modernleştirmek kerekligine diqqat ayırdılar. Şu cümleden, veteranlar ve askerler içün olarnıñ servisleriniñ kenişlenmesi vastasınen.

 

Bütün bölgelerden TKMniñ içtimaiy qorçalav saasında çalışqan deyerli 1500 işçisi, mahsus oqumalar endi keçirdi. Bu tür teşebbüs olarnıñ askerler, veteranlar ve aileleriniñ azalarına keyfiyetlice mesleat bermeleri içün olarnı azırlamağa yardım etecek.

 

Patronat meneceri vazifesini yaratmaq kerekligi aqqında laf ettiler. O, askerni tedaviylev ve reintegratsiya yolunda ozğaracaq.

 

İrına Vereşçuk, bütün bölükler ve strukturalarda çalışqan askerler içün tek veteran siyasetini tüşünip azırlamaq kerekligine ayrıca diqqat celp etti.

 

Şu cümleden, bir sistemanı kirsetme imkânını muzakere ettiler. O vastasınen veteranlarğa çoq taraflı hızmet bericiler, kimge qaysı yardım kerekli olğanıı bilecek.

 

“Devlet, bölge ve yerli akimiyetiniñ vazifesi – veterannıñ ihtiyaclarına acelen qarşılıq köstermektir. Bunıñ içün bunı yapmaq maqsadınen bütün imkânlarınıznı toplap qullanmalımız”, – dep vitse baş nazir hulâsa çıqardı.