AQŞ Devlet departamenti ve Maliye nazirligi, ukrain balalarınıñ mecburiy ketirilmesinen bağlı 13 rus bedeniy ve uquqiy insanına qarşı viza sıñırlamaları ve sanktsiyalarnı kirsettiler. “Holos Amerıkı” bu aqqında haber berdi.

Şu cümleden sanktsiya cedveline: Kaluzka vilâyeti bala aqları vekili İrına Ageyeva, Rostov vilâyeti bala aqları vekili İrına Çerkasova, Bilhorod vilâyeti bala aqları vekili Ğalına Pyatıh, Çeçen Cumhuriyetinde insan aqları vekili Mansur Soltayev ve Çeçen Cumhuriyetiniñ ükümetiniñ başı Muslim Huçiyev kirsetildi.

İşğal etilgen Qırımdaki bala yaz lageri “Artek” ve onıñ “müdiri” Konstântın Fedorenkoğa da qarşı sanktsiyalar kirsetildi.

Devlet departamenti bildirdi ki, ukrain balalarına qarşı genotsid yapqan insanlarnı mesüliyetke ketirmek maqsadınen sanktsiyalar ve viza sıñırlamaları kirsetildi.