Ukrain radiosına intervyuda vitse baş nazir İrına Vereşçuk bunı bildirdi. O qoştı ki, şu anda endi azat etilgen ve azat etilecek topraqlarda çalışmaları içün tek devlet hızmetçilerine degil, çeşit-türlü saalarnıñ mütehassıslarına ihtiyac da bar.

Bu tür mütehassıslarnıñ azırlanması, profilli yüksek tasil müessiselerine avale etildi. Misal olaraq İhr Sikorskıy adına Kıyiv politehnik institutı. Bundan ğayrı, şöyle yerini deñiştirgen yüksek tasil müessiseleri azırlav ceryanını keçirecekler: Dondas devlet pedagogika universiteti, Vasıl Stus adına Donetsk milliy universiteti, Prıazov devlet tehnikiy universiteti ve başqaları. 

“Bizge vilâyet arbiy memuriyetleriniñ reberligi hitap ete ve ihtiyac duyğanları hadimler yedegini şekillnediremiz. Harkiv, Donetsk ve Zaporijjâ vilâyetleriniñ işğalden azat etilgen topraqlarından böyle hitaplarnı aldıq”, – dep memur tafsilâtlıca añlattı.

“Qayd etilgen namzetlernen iş subeti keçirilir ve bundan soñ kelecek faaliyeti saasını saylaylar. Eñ müim şey – öz istegi ve maqbul azırlıq. İşğalden azat etilecek topraqlarda iş içün iç bir limit yoq. Hadimler yedegine vatandaş qorçalavı, emek qorçalavı, içtimaiy saa mütehassısları, emek zenaatçıları ve başqaları kereklerdir”, – deo vitse baş nazir hulâsa çıqardı.