Keçenlerde halq mebusları, Ukraina Yuqarı Şurasınıñ Qırım Muhtar Cumhuriyeti ve Aqyar şeeriniñ işğal etilemsi, reinetgartsiyası ve yañıdan qurulması saasında Ukrainanıñ devlet siyasetiniñ prioritetli yönelişleri aqqında arizası aqqında Qarar berdiler. Ukraina Prezidentiniñ QMCdeki Vekilligi bu aqqında haber berdi.

 

Şu cümleden, vesşqada aşağıdaki yönelişler qayd etildi:

 

• cenkniñ bitmesiniñ esas şartı olğan Ukrainanıñ haqlara olaraq tanınğan devlet sıñırı çerçivesinde Ukrainanıñ topraq bütünligini qaytaruv. Tecavuzcı bir devletke topraq asla berilmeycek;

 

• devlet akimiyeti organlarınıñ faaliyetini yañıdan başlatuv, insan aq-uquqlarını riayet etmege temin etüv;

 

• şu cümleden, qara deñiz flotunen beraber, Ukrainanıñ topraqlarındaki rusiyeniñ bütün silâlı şekillnmelerini çıqaruv;

 

• Ukraina Prezidenti Volodımır Zelenskıynıñ Barışıq formulasını kirsetüv;

 

• şu cümleden, vaqtınca işğal etilgen topraqlarda yaşağan Ukraina vatandaşlarını taqipler ve ayırımdan qoruma;

 

• şu cümleden qırımtatar halqınıñ, Ukrainanıñ tamır halqlarınıñ aqlarını yañıdan yaratuv ve qorçalav;

 

• rusiyeniñ Ukrainağa qarşı silâlı tecavuzına ait olğan er kesni mesüliyetke çeküv;

 

• işğalden azat etilecek soñ Qırım topraqlarında serbest media, içtimaiy birleşmelerni teşkil etüv, ukrain tasil sistemasını kirsetüv ve anda yatırım tarzında özüne çekici iqtisadiy iklimni yaratuv;

 

• işğalden azat etilecek soñ Qırımnıñ yañıdan qurulmasına yardım etmek ve bütün Azaq-Qara deñiz bölgesinde telükesizlik garantiya etmek içün Halqara Qırım platforması bir meydançıq olmalı.

 

Parlament, Qırım MC ve Aqyar şeeriniñ işğalden azat etilmesi, reintegratsiyası ve yañıdan qurulması saasında devlet siyasetini azırlağanda Ükümetke bu Qararnıñ maddelerini esapqa almağa tavsiye ete.