Minnetli aziz azapçı Klımentiy Şeptıtskıy adına fond, rus esirliginden azat etilgen ukrain qadınlarını destek programmasını kerçekleştirmege devam ete.

Programma, leh ve ukrain ükümetleriniñ işdeşliginiñ neticesi oldı. Lehistan Baş naziriniñ Kantselâriyası ve Ukrainanıñ vaqtınca işğal etilgen topraqlarınıñ reintegratsiya meseleleri nazirligi onı teşebbüs ettiler. Lehistan Ükümeti programmağa para berir.

Eyyetniñ soñ oturışında Fond, esirlikten azat etilgen q2 qadınğa para yardımını bermege qarar berdi. Er kes, bergi ödemeden evel bir kerelik 10 biñ zlotıhlıq (tahminen 90 biñ grivnalıq) maliyeviy yardım alacaq. Böylece, bu sene endi 34 qadın bu tür maliyeviy yardım aldı.

Bundan ğayrı eyyet, rus esirliginden azat etilgen 21 qadınnıñ Lehistanğa raatlanama-reabilitatsiya seyaatında iştirak arizasını tasdıqladı. Keçenlerde Fondnıñ eyyeti, bu seyaatta 18 iştirak arizasını tasdıqladı.

Mezkür eyyette ReNazirliginiñ uzurındaki Milliy malümat bürosınıñ arbiy esirler aqqında bilgilerni idare etken vekili iştirak eter.

Hatırlatamız ki, 2022 senesi esirlikten azat etilgen 180 ukrain qadını, Şeptıtskıy Fondundan maliyeviy yardım aldı. Bundan ğayrı, 24 qadın ruhiy destek aldı, 19 ukrain qadını ise Lehistanğa raatlanama-reabilitatsiya seyaatında iştirak etti.