İnsan ayatlarını qurtarmaq ve yahşılaştırmaq maqsadınen beraber areket etmek içün Sofiya Kıyivskada yigirmi sekiz birinci hanım efendi toplandı. Birinci hanım Olena Zelenska bu aqqında haber berdi.

“Ruhiy sağlıq: dayanıqlıq ve kelecekniñ mortlığı” sammitinde metinlik ve dayanıqlıq, cenkniñ ruhiy sağlıqqa tesiri meseleleri muzakere ettiler. Şu cümleden, cenk vaqtında gençlikniñ qarşılaşqanı çağıruvlar ve ğalebe qazanacağımız soñ ülkeniñ kelecegini nasıl körgenini muzakere ettiler.

Bu sene toplaşuvnıñ neticesi, ülkeler arasında tibbiy işdeşlik ağını yaratuv oldı. Sammiti çerçivesinde ihtisaslı nazirlikler ve hastahanelerniñ vekilleriniñ satellit sammiti endi keçirildi.

“Er bir insannıñ şahsiy metinligi, cemaatnıñ metinliginiñ qısmıdır. Buña köre er bir ülkeniñ, er bir insannıñ metinligi içün şarait yaratmaq kibi daa strategik vazifesi yoq. Er bir metinlik, orta qıymetlerden başlana”, – dep Ukraina Birinci hanımı qayd etti.