Rzcezpospolita leh neşirine intervyu bergende vitse baş nazir İrına Vereşçuk bunı bildirdi.

Dünya añlamalı ki, kreml ukrain topraqlarında qalmaycaq, dep qoştı o. Bunıñ içün Ukraina rusiyeniñ mağlübiyetine ve putinniñ rejiminiñ yoq etilmesine qadar cenkleşecek.

“Bu, bizim ayatlarımız çün cenktir, başqa bir yolumız yoq. Aksine olar, devletimiz ve milletimizni yoq etecekler”, – dep memur qayd etti.

Onıñ sözlerine köre, halqara cemaatnı şantaj etmek içün özek silâsını qullanğan devlet, tek Ukraina içün telükeli degil. Ve bizim topraqlarımız vastasınen bu mesele al etmek imkânsızdır. Bu, tecavuznıñ iştaasını büyütecek.

“Bir kimseniñ bizim içün cenkleşecegini rica etmeymiz. Biz bunı yapa bilirmiz. Bizim tek destekke, ayrıca sanktsiya destegine ihtiyacımız bar. Çünki bizim ceetimizden, bizge arbiy, siyasiy ve maliyeviy tarzda yardım eteler. Başqa ceetinden ise, putin öz raketalarını işlep çıqarmaq içün nasıldır üçünci ülkeler vastasınen parçalarnı ala. Bunıñ içün dünyanıñ qarar bermesini isteymiz. Bizge tek ğalebe kerekmey, kelecekte cenk imkânsız olmaq kerekmiz. Bu, bizim orta menfaatımızdır”, – dep vitse baş nazir hulâsa çıqardı.