Lehistan prezidenti Anjey Duda, Devlet hazine idaresi tarafından kefil olunğan ihrac sigortasına dair qanunğa deñişmelerni imzaladı. Ukraina İqtisadiyat nazirliginiñ matbuat hızmeti bu aqqında haber berdi.

 

Mezkür deñişme, KUKE devlet sigorta korporatsiyasına, Ukrainanı yañıdan qurmağa istegen şahsiy bizneske semerelice yardım etmege imkân berecek.

 

Berilgen qararnen Lehistan, leh biznesiniñ işitrakinen Ukrainanı yañıdan quruv programmasını başlata. O, aşağıdaki üç noqtadan ibarettir:

 

• Ukrainanen telükesiz ticaret.

 

• Leh şirketleriniñ yatırımlarını destek etüv.

 

• Ukrainanıñ inkişafını destek etüv.

 

Bundan ğayrı, yañı ley qanunı, yerli şirketler seviyesinde ecnebiy müessiselerniñ leh bölüklerini sigorta etmege imkân bere. Ukrain şirketleri içün bu, Lehistanda yahşıca şartlarda çalışma ve biznesini inkişaf ettirme imkânıdır.

 

Anda da espqa alındı ki, ortadan yüksek telüke olsa ya da ticaret çarşında yañıdan sigorta etmek mümkün olmasa, başqa sigortacılar yañıdan sigorta etüv ceryanını keçire bilirler. Bu vastasınen leh iş insanları Ukrainağa ital ete ve yañıdan quruv ceryanında iştirak ete bilirler.