Bugün Nazirler Kabinetiniñ oturışında “Ukrainanıñ vaqtınca işğal etilgen topraqlarında uquqiy rejimni tesbit etüvnen bağlı bazı meseleler” qararı tasdıqlandı.

Baş nazir Denıs Şmıhalnıñ emrinen ReNazriligi, mezkür qararnı azırladı.

“Ukrainanıñ vaqtınca işğal etilgen topraqlarıdan vatandaşlarnıñ aq-uquqlarını temin etüv ve uquqiy rejim aqqında” qanun, “memuriy sıñır” ve “çatışma sızığı” söz birikmelerini tesbit ete. 

Bugün Ükümet, bu tür topraqlarnı tesbit etüv printsipini tasdıqladı. Bu, cebege yaqın topraqlarnıñ sakinlerine Qanunda esapqa alınğan imtiazlarnı almağa imkân berecek. Böylece Ükümet, çatışma sızığında bulunğan olaraq tanına bilgen mesküm yerler kriteriylerini tesbit etti.

Bunlar, ReNazirliginiñ cedveline kirsetilgen, faal arbiy areketler topraqlarında yerleşken meskün yerlerdir.

Qoşma malümat.

VİETda, çatışma sızığında yaşağan ukrainalılarnıñ UKrainanıñ başqa bölgelerinde devlet bücetinden paranen muayyen tasil seviyesini alma ya da onı almağa devam etme aqqı bar. Bunda ğayrı, oquv vaqtında yurtda qalma aqqı bar.

VİETda yüksek tasil alğan insanlarnıñ, qazanğan ihtisasnıñ, oquv neticeleriniñ ve oquv devirleriniñ tanınması içün atestatsiya keçirme aqqı bar. İstisnalar – topraqlar vaqtınca işğal etilgen soñ VİETda yüksek tasil almağa başlağan insanlardır.