Ukrainada “Ukrainada ihtisasiy tasil” leyhası başlandı. Onıñ maqsadı, Ukrainanıñ canlandırılması ve iqtisadiy inkişafı içün iş zenaatlarınıñ potentsialını yahşılaştırmaqtır.

Almaniya Federal ükümetiniñ emrinen faaliyet yapqan Deutsche Gesellschaft für Internationale Zusammenarbeit (GIZ) taradından mezkür leyha yerine ketirile. O, Ukraina İqtisadiyat nazirligi ve Tasil ve ilim nazirliginiñ desteginen altı vilâyette çalışa.

Mezkür leyha çerçivesinde tek ihtisasiy tehnikiy tasil müessiseleri temelinde degil, iş merkezleri temelinde de insanlarğa tasil bermege ya da yañıdan oqutmağa yardım etecek programmalar yerine ketirilecektir. Bu, çalışa bilgen yaştaki insanlar içün yañı tasil imkânlarını yaratacaq, devlet içinde alınğan kişiler ve arbiy areketler iştirakçileri kibi içtimaiy gruppalarnı faalleştirecektir.

Leyhanıñ büceti 10 mln yevrodır. O, 2026 senesiniñ ortasına qadar Kıyiv, Poltava, Dnipropetrovsk, Lviv, Vinnıtsâ ve Çernivtsi vilâyetlerinde çalışacaqtır.