Vitse baş nazir İrına Vereşçuknıñ başlığınen Devlet içinde alınğan kişilerniñ aq-uquqlarını kerçekleştirmege temin etüv meseleleri idare ştabınıñ daa bir oturışı keçirildi.

Tedbirde ReNazirligi, İçtimaiy siyaset nazirligi, Astyapı nazirligi, Adliye nazirligi, Milliy içtimaiy hızmet, Pensiya fondu, Devlet iş hızmeti, Oşçadbank, vilâyet arbiy memuriyetleri, başqa müessiseler ve teşkilâtlarnıñ vekilleri iştirak ettiler.

Oturış iştirakçileri, DAKge yaşayış yardımını ödeme meselelerini de muzakere ettiler. Bundan ğayrı, Oşçadbankta pensiya ve içtimaiy ödemelerni alğan insanlarnıñ bedeniy identifikatsiyası içün müddetni uzatma imkânını baqtılar.

Ukraina Nazirler Kabinetiniñ DAKniñ vaqtınca yaşayış yerlerine dair qararına ola bilecek deñişmeler aqqında da laf ettiler.

Bundan ğayrı, devlet içinde alınğan kişilerniñ işke ketmelerine dair normativ-uquqiy aktlarğa deñişmeler teklifleri de muzakere mevzusı oldı.