Halqara atom energiya agentliginiñ (HAEA) 67. Baş konferentsiyası vaqtında Zaporijjâ AESnıñ Ukrainanıñ kontrolına acelen qaytarılmasına dair rezolütsiya tasdıqlandı.
Kanada, Finlandiya ve Kosta-Rika tarafından teklif etilgen maqbul qararnı 69 ülke destek etti, dep Ukraina Energetika nazirligi haber berdi.
HAEAniñ qararı, rfnıñ bütün arbiy ve başqa vekâletli olmağan hadimlerini ZAESdan acelen çıqarması ve Ukraina devlet özek qarşılığı teftişçiligi (UDÖQT) tarafından berilgen mevcut litsenziyağa mücibi Ukrainanıñ vekâletli organlarınıñ kontrolına stantsiyanı qaytarmasını talap ete.
Bundan ğayrı, vesiqada tecavuzcı bir devletni HAEAe stantsiyanıñ uyğun ve telükesiz işlenmesini temin etme imkânını bermege, ZAESda telükesizlik garantiyalarını kirsetmege çağıralar.