Bugün Odesada Ükümetler arası ukrain-moldova ticaret-iqtisadiy işdeşlik meseleleri eyyetiniñ başlarınıñ – Ukrana vitse baş naziri İrına Vereşçuk ve Moldova Cumhuriyeti vitse baş naziri Oleh Serebrânnıñ körüşüvi keçirildi

“Moldova, müim ortaqlarımızdan biri, dostane qomşu ve rus tecavuzını çoq kere takbih etken ve bunı tek sözünen degil, areketlerinen tasdıqlağan bir ülkedir. Cenkniñ birinci künlerinden siz, biñlerce ukrain vatandaşına meksen berdiñiz. Bizim içün yapqanıñız er şey içün minnetdarmız”, – dep İrına Vereşçuk qayd etti.

Körüşüv çerçivesinde ukrain-moldova munasebetlerinen bağlı aktual meselelerni al etüv planlarınen paylaştılar. Şu cümleden energetika ve astyapı, sıñır ve bergi saalarında eki taraflı işdeşlik, Ukraina ve Moldova Cumhuriyetiniñ avropa integratsiyasınıñ istiqballeri aqqında.

Taraflar, agrosanayı kompleksi saasında işdeşligini muzakere ettiler. Memur, Moldovanıñ ukrain köy hocalığı mahsulatına bergi kirsetmeme qararı içün teşekkür bildirdi. Bu, eki taraf içün müimdir. Ve 2024 senesi bu añlaşmalarnıñ devamına ümütligini bildirdi.

Aşayt mahsulatınıñ telükesizligi ve ayvanlarnıñ sağlıüı saalarında işdeşlik añlaması imzalandı. Bu, ukrain ihraccılarına yañı imkânlarnı berecek.

“Bugünki añlaşmalar, ukrain-moldova alâqalarınıñ muntazam inkişafına, bizim devletlerimizniñ gülleşmeleri ve inkişafına yardım eteceklerdir”, – dep vitse baş nazir İrına Vereşçuk hulâsa çıqardı.