VİETda mecburen keitirilgen ya da Ukrainadan sürgün etilgen balalarnıñ aqlarını qorçalav muzakere etildi. Şu cümleden, olarnıñ bulunğanları yerlerni tesbit etüv ve Ukrainanıñ kontrol etkeni topraqlarına qaytaruv, qanunsız vasiylik vaqialarını ögrenüv tedbirleri.

RFnıñ Ukrain balalarını qaytarmaq red etmesinen bağlı cinaiy areketlerini qayd etmek mümligi aqqında da laf ettiler.

Bring Kids Back UA areketler planını yerine ketirüvnen bağlı oturışta Ukraina Prezidentiniñ Ofisi, Ukraina Baş prokurorınıñ Ofisi, icra akimiyetiniñ merkeziy organları, quvet müessiseleri ve Ukrainadaki UNICEFniñ vekilleri iştirak ettiler.

İştirakçilerge bildirdiler ki, cenk vaziyeti başlap ve 2023 senesi ekim ayınıñ ortasına qadar Milliy politsiyağa habersiz ğayıp olğan ukrain balaları aqqında 18 967 hitap yollandı. 

“Bunıñ içün olarnıñ tahliyesine dair devlet qararı kerek. Birinciden, ukrain akimiyetiniñ kontrol etmegeni meskün yerlerde bulunğan statuslı balalarğa dair”, – deo vitse baş nazir İrına Vereşçuk qayd etti.

Memur qayd etti ki, olar aqqında bütün malümat almaq soñ derecede müim. Ve aynı zamanda halqara ortaqlar buna yardım etmeliler. Ukrainadaki UNICEF vekili, teşkilâtnıñ tahliye mehanizmini azırlamağa yardım etmek ve bütün meraqlanğan taraflarnen işdeşlilk yapmaq azırlığını tasdıqladı. 

Bundan ğayrı, oturışnıñ iştirakçileri buna diqqat celp etti: balalarnı telükesiz qaytarmaq maqsadınen olar içün oñlaytlı şartlar aqqında tüşünmek kerek. Bundan ğayrı uyğun ruhiy, tibbiy ve maddiy destek azırlamaq kerek.