Kıyivde keçirilgen AİİEniñ vekilleriniñ ukrain memurlarınen körüşüvinde bu aqqında laf ettiler.

Vitse baş nazir İrına Vereşçuk, Parlament Veteranlarnıñ aqlarını qorçalav ve içtimaiy siyaset meseleleri eyyetiniñ başı Halına Tertyakova, halq mebusları ukrain tarafınıñ vekilleri ediler.

Körüşüv vaqtında ukrain cemaatı içün şu anda AİİEniñ azırlağanı teşebbüs taqdim etildi. Bundan ğayrı, iştirakçiler Ukrainada cemaatnıñ vaziyetini, Eyyet ve Yuqarı Şuranıñ ABe kiriş yönelişinde işini muzakere ettiler.

AİİE inandırdı ki, Ukrainanıñ avropa ıntıluvlarını inkişaf ettirmege yardım etecek er bit teşebbüsni yerine ketirmege azırdır. Eyyetniñ maqsadı, Ukrainanıñ avropa integratsiyası ve onı yañıdan quruv ceryanında cemaatnıñ rolüniñ küçüni arttırmaqtır.

Hatırlatamız ki, 2023 senesi beri ayınıñ 19-ında Avropa iqtisadiy ve içtimaiy eyyeti, ABniñ azalığınıñ namzeti olğan ülkelerniñ cemaatınıñ vekillerini öz işine qatılmağa qarar berdi. Avropa eyyeti, Avropa şurası ve Avropa parlamenti bu teşebbüsni destek ettiler.

Böylece, Ukrainada Ukraina – AB cemaat platforması yaratıldı. O, Ukrainanıñ cemaatınıñ vekilleri ve AİİEniñ azalarından teşkil olundı. 

Vitse baş nazir İrına Vereşçuk, halqımız içün o qadar qıyın zamanlarda Ukrainanın destek etken AİİEniñ vekillerine teşekkür bildirdi. Ayrıca Ukrainada cemaat sektorınıñ faaliyetine para berüv meselesini açqan Halına Tretyakovağa teşekkür bildirdi.