Nazirler Kabineti binasında vitse baş nazir İrına Vereşçuknıñ Dünya bankınıñ vekillerinen körüşüvi keçirildi.

Taraflar, Ükümet tarafından tasdıqlanğan 2025 senesine qadar devlet içinde alınmağa dair devlet siyaseti strategiyasında qayd etilgen tedbirlerni yerine ketirüv çerçivesinde işdeşlik imkânlarını muzakere ettiler.

İrına Vereşçuk, DAK meseleleri idare ştabınıñ ve vilâyet arbiy memuriyetleri uzurında mezkür Startegiyanı yerine ketirmek içün teşkil etilgen Vatandaşlarnı destek etüv idare merkezleriniñ işini añlattı.

Bundan ğayrı, memur körüşüvniñ iştirakçilerine cemaatta yaşayış dayanıqlığı merkezlerini yaratuv teşebbüsi aqqında habere berdi.

“Birinci hanım Olena Zelenskanıñ Ofisinen biz, yaşayış dayanıqlığı merkezleri leyhasını başlatamız ve yerine ketiremiz. Şu cümleden, er bir cemaatta silâlı tecavuzdan qarar körgen insanlarğa hızmet etecek “tek pencere” olaraq yaşayış dayanıqlığı merkezleri yaratmağa planlaştırırlar. Bu tür merkezleriniñ cemaat seviyesinde bütün hızmetlerni bermelerini isteymiz. İçtimaiy ve memuriy, em de ruhiy hızmetler”, – dep vitse baş nazir qayd etti.

Aynı zamanda Dünya bankınıñ Avropa ve Orta Asiya bölgesinde muntazam inkişaf bölge müdiri Sameh Hahib Vahba, Ukrainadaki Dünya bankınıñ faaliyetiniñ esas yönelişlerini bildirdi.

Qoşma malümat:

Tolu miqyaslı tecavuz başlağan son Ukrainada esas devlet hızmetlerini bermege yardım etmek içün Dünya bankı, eñ az 23 milliard AQŞ dollarını acelen yatırım etti. Umumen Ukrainanı destek etmek içün ayırılğan bütün iqtisasiy yardımnıñ deyerli yarısı, tamam Dünya bankı vastasınen ayırıldı.