İşğalden azat etilgen topraqlar meseleleri idare ştabınıñ oturışında Müessiselerarası Devet akimiyetini yañıdan yaratıv ve İAETnıñ ealisiniñ reintegratsiyası strategiyasını azırlamaq meseleleri iş grupasını teşkil etmege rey birliginen qarar berdiler.

Onıñ faaliyeti, bütün meraqlanğan taraflarnıñ idaresine yönelişecek ve Strategiyanıñ ayrı qaidelerini baqmaq içün muntazam oturışlar keçirilecek.

Müessiselerarası iş gruppasınıñ terkibi endi bellidir. Gruppağa ReNazirligi, Ukraina Prezidentiniñ Ofisi, Ukraina Prezidentiniñ QMCdeki Vekilligi, UYŞnıñ insan aqları vekiliniñ kâtibiyeti ve içtimaiy teşkilâtlar, şu cümleden ZMINA İnsan aqları merkeziniñ vekilleri qatılacaqlar. Ukrain helsinki insan aqları birligi ve başqaları, iş gruppasına qatılmaq istegini bildirdiler.

Endi kelecek aftadan başlap iş gruppası, birinci körüşüvlerini keçirmege başlaycaq.

İrına Vereşçuk qayd etti ki, er bir nazirlikte işğalden azat etüv ve reinetgratsiya ceryanı meselelerini al etecek ihtisasiy muavinler olmalılar.

Bundan ğayrı, iştirakçşker Startegiyada “İçitmaiy qorçalav” yönelişine dair azırlamalarnı muzakere ettiler. İçtimaiy siyaset nazirliginiñ vekili esabat berdi ki, şu anda hadimler yedegini şekillendirmege dair tedbirler planını yaratmaq kerek.

Vitse baş nazir qayd etti ki, İqtisadiyat nazirligi bir kontseptisya azırlamalı. O, Ukrainanıñ işğalden azat etilecek topraqlarınıñ iqtisadiy yañıdan inkişafı içün tedbirlerni tesbit etecek.

“Cebede olğan ve silâ tutqan qorçalayıcılarımız kibi biz, topraqlarımıznıñ işğalden azat etilecegine inanamız. Buña köre Ukrainanı adım-adım yañıdan qurmaq içün mümkün olğan er şey yapayıq”, – dep İrına Vereşçuk qayd etti.