ReNAzirligi, devlet içinde alınğan kişilerni destek etici devlet programmalarını yerine ketirir.

Şu cümleden, devlet, kommunal ve şahsiy saipligi obyektlerde DAKniñ bedava yaşağanları vaqıt devamında qullanılğan kommunal hızmetler tazminatını ödeme bücet programmasına 338,7 million grivna ayırılır.

Tahliye etilgen ve işğalden azat etilgen topraqlarda yaşağan insanlarnı destek etmek içün 94,7 million grivna ayırılır.

“Prıhıstok” leyhası çerçivesinde deyerli evlerge saip olğan ve 2,8 million devlet içinde alınğan kişilerni bedava yerleştirgen 150 biñ insan umumen 1,96 milliard grivna aldı.

Bundan ğayrı, başqa müessiseler bir qaç programmanı yerine ketirirler.

Böylece, İçtimaiy siyaset nazirligi, qıyın yaşayış vaziyetlerinde bulunğan vatandaşlarnı qorçalamağa dair programmanı kirsetir. Bu maqsatqa 74,2 milliard grivna ayırılır.

Veteranlar nazirligi, Donetsk ve Luhansk vilâyetlerinden arbiy areketler iştirakçileri ve cenk neticesinde 3. gruppalı saqatlar olğan DAKge bergen ev içün tazminat ödemelerine subventsiya programmasını yerine ketirir. Bu programmağa mücibi yerli bücetlerge 3,2 milliard grivna üleştirildi.

İqtisadiyat nazirligi, yeİş devlet programmasını yerine ketirir. Bu sene biznesni yaratmaq ya da inkişaf etmek içün 2,6 milliard grivna ayırılır.

Bundan ğayrı, DAKni işke alğan iş bericilerge aylıq tazminatı programması yerine ketirilir. Oña 308,2 million grivna ayırılır.