Vitse baş nazir İrına Vereşçuknın başlığınen ReNazirligi, İçtimaiy siyaset nazirligi ve Maliye nazirliginiñ vekilleriniñ iştirakinen oturış keçirildi.

Tedbirniñ maqsadı, devlet içinde alınğan kişilerden eñ zayıf insanlarnı destek etmege dair devlet siyasetini tüşünip çıqarmaq edi.

Bu ihtiyacnıñ sebebi böyledir: 2023 senesi oraq ayınıñ 11-indeki 709. qararğa mücibi 2024 senesi kiçik aynıñ 1-inden başlap DAKniñ çoqusına yaşayış ödemeleri lâğu etecek. Bunıñ içüb vitse baş nazir, DAKniñ eñ zayıf gruppalarına ödemelerni devam etmek imkânına dair mesele muzakere etmege çağıra.

“Silâlı tecavuz neticesinde qıyın yaşayış vaziyetinde bulunğan devlet içinde alınğan kişilerni destek etmelimiz. Şu cümleden, men tüşünem ki, küçük pensiya alğan devlet içinde alınğan pensiyacılarğa, faal ve mümkün olğan arbiy areketler topraqlarında yaşağan insanlarğa yardım ödemege devam etmek kerek”, – dep İrına Vereşçuk qayd etti. 

Muzakere neticelerine köre vitse baş nazir, cevapkâr müessiselerge ödemeler alğan DAKniñ gruppalarını talil etmege avale etti. Bir afta içinde meraqlanğan taraflar, devlet içinde alınğan kişilerden eñ zayıf gruppalarnı destek tekliflerini muzakere etmek içün toplanacaqlar.