BMTnıñ Bala fondunıñ icra müdiriniñ muavini (UNICEF) Ted Çaybannen vitse baş nazir İrına Vereşçuknıñ körüşüviniñ leytmotivi böyle edi.

2024 senesi işdeşliginiñ prioritetlerini muzakere etiler. Olardan biri arbiy areketler rayonları yanındaki cemaat destk etmek qalır. Ayrıca balalarnı ve ailelerini destek etmektir.

Ted Çayban, teşkilâtınıñ topraqlarnı yañıdan qurmaq, gumanitar ihtiyaclarğa qarşılıq köstermek, balalarnıñ tasilge irişimine yardım etmek azırlığını bildirdi.

İrına Vereşçuk kelecek sene ReNazirligi, Tasil nazirligi ve UNICEFnen işdeşligini devam etmege teklif etti. Offline oqumaq imkânına saip olmağan balalarğa noytbuklarnen temin etmek içün.

Onıñ sözlerine köre, bu sene mezkür leyha pek semereli ve faydalı oldı. Harkiv ve Herson vilâyetleriniñ işğalden azat etilgen köy topraqlarından balalar 10 biñ noytbuk aldılar ve şimdi oquya bilirler.

Başqa müim meselelerden biri mepten sığınaqlarını abdanalaştıruv, suv teminatını yaratuv ve yaşayış dayanıqlığı merkezlerini destek etüvdir. Şu cümleden Harkiv vilâyetinde UNICEF, altı bu tür merkezni teşkil etüv leyhasını yerine ketirmege yardım ete. Olar Çuhuyiv, Balakliya, Pisoçıntsi, Kehıçiv, Krasnohrad ve Valkiv cemaatında teşkil etilecek.

Umumen kelecek sene cebege yaqın bölgelerni destek etmek maqsadınen UNICEF 450 million dollar ayırdı.“Bizim işldeşligimizni re vaqıt güzel bir misal olaraq ketiremiz. Çünki UNICEF qararlarnı tez ve semereli bere. Cebege yaqın topraqlardaki vaziyetni añlay. Biz er vaqıt mesleat alamız, añlaşamız ve sözlerimizni riayet etemiz. Bu, kelecek faydalı areketler içün müim bir şarttır”, – dep vitse baş nazir qayd etti.