Telükesizlik ve mudafaağa esas prioritetlerdir. Bu maqsatlarğa 1,69 trnl grivna planlaştırıldı, dep Ükümet portalı haber berdi.

Şu cümleden silâ ve arbiy yedeklerge para ayırılacaq: keçken senege köre ayırılğan para 4,2 qatqa artacaq ve 51 mlrd grivna olacaq. Dronlar almaq içün 43,3 mlrd grivna ayıracaqlar.

Veteranlarnı destek etmek içün 14,3 mlrd grivna ayıracaqlar. Olarnıñ büyük qısmı, cenk iştirakçileri ve aileleri içün evlerge üşleştirilecek. 3,8 mlrd grivna, veteran yardımcısı institutını yaratmaq içün üleştirecekler.

Biznes destek etmek içün 30,9 mlrd grivna ayırılacaq. Prioritetler arasında – imtiyazlı kreditleştirüv programması ve qaytarılmağan yeİş grantları.

Tasil saasına 179,1 mlrd grivna ayıracaqlar. Bu, bu senege köre 22,4 mlrd grivnağa çoqtır. Tibbiyet saasında ise 203,4 mlrd grivna ayıracaqlar, bu 2023 senesine köre 25,8 mlrd grivnağa çoqtır.

İçtimaiy qorçalav saasına umumen 469,4 mlrd grivna ayıracaqlar. Bu senege köre 9 milliardğa çoq grivna ayıracaqlar. Az para qazanğan aileler, DAKge ödemeler yapmaq, subsidiya ve imtiyazlar, pensiya indeksatsiyasını ödemek içün bu para qullanacaqlar.