“Dnipropetrovsk vilâyetindeki cemaatnıñ inkişafı” leyhası çerçivesinde Halqara migratsiya teşkilâtı, küçük ve mikro biznes içün grant programmasını ilân etti. HMTnıñ saytında bu aqqında haber berdiler.

Onıñ maqsadı, iş yerlerini yarataraq ve istisal inkişaf ettirerek bizim iqtisadiyatımıznı destek etmektir. Bundan başqa, leyha yerli akimiyet, biznes, devlet içinde alınğan kişiler, veteranlarnı birleştirmege yönelgendir.

Krıyıv Rih, Apostolivsk ve Jovti Vodı birleşken topraq cemaatında çalışqan şirketler iştirak ete bileler. Eñ az bir sene Ukrainada qayd etilgen ve saibi ukrainalı olğanlar da iştirak ete bileler.

Grant programması çerçivesidnde mikroteşkilâtlar, eñ az bir iş yerini, küçük biznes ise eñ az üç iş yerini yaratmalı.

Teşkilciler, er bir cemaatta 5-10 grant bermege planalştıralar. Er bir ğalip 5 biñ dollarğa qadar ala bilir.

Cenkten azar körgen, bozulğan, viran etilgen ve köçken teşkilâtlar ve biznes prioritetli olacaq.

Programmada iştirak etmek içün bu bağlantığa basıp, 2023 senesi ilk qış ayınıñ 29-ına qadar ariza bere bileler. Mında programmanıñ şartlarınen tafsilâtlıca tanış olmaq mümkün.