2023 senesi ilk qış ayınıñ 19-ında ReNazirligi ve BMTnıñ Qaçaqlar meseleleri agentligi (BMTnıñ QMA) “Prıhıstok” programmasını yerine ketirmek içün añlaşma imzaladılar.
Bu vesiqağa köre evlerinde devlet içinde alınğan kişilerni bedava yerleştirgen insanlarğa para destegini bermek maqsadınen BMTnıñ QÇA tahminen 10 million dollar ayıracaq.
Ukraina vitse baş naziri İrına Vereşçuk ve Ukrainadaki BMTnıñ QMAniñ Vekili Karolina Lindholm Billing añlaşmanı imzaladılar.
“Bu Añlaşmanıñ imzalanması kösterdi ki, bizim halqara ortaqlarımız Ukrainanı destek etmege devam etecekler. Para ayırğan ve “Prıhıstok” leyhasını yerine ketirmege devam etken BMTnıñ QMAne açıq göñlümden teşekkür bildirem. Böylece, kelecek sene de bu programma çerçivesinde devlet içinde alınğan kişiler vaqtınca bedava mesken ala bilirler. Bu yardım, insaniyetlik ve aqiqiy ortaqlıq timsalidir”, – dep İrına Vereşçuk ayttı.
“Prıhıstok” programmasını destek etüvnen bağlı BMTnıñ QMA ve ReNazirligi arasındaki işdeşlik, cenkten zarar körgen insanlarnıñ, Ukraina devleti içinde alınğan kişlerniñ yüzleşkenleri çoq meseleni al etmege ve çezmege yardım etmek arzusını köstere. 2022 senesi “Prıhıstık” programması çerçivesidne BMTnıñ QMA tahminen 40 biñ ev hocalığını destek etti. Devlet içinde alınğan kişilerniñ ev tapmaları ve öz evlerini açqan insanlarnıñ bildergeleri birdemlikni duymaları içün bu programmanıñ kritik müimligini esapqa alıp, 2024 senesi de “Prıhıstok” programmasını destek etmege bahtlımız”, – dep Karolina Lindholm Billing qayd etti.
“Prıhıstok” programması, lâqaytsız ukrainalılar tarafında başlatılğan eñ büyük cemaat leyhasıdır. O çerçivesinde Ukraina devleti içinde alınğan kişilerge bedava ev berile. 2022 senesi saban ayında bu programma çalışmağa başladı.
Şu anda Ükümetniñ qararına köre ReNAzirligi, “Prıhıstok” leyhasını yerine ketire.
Bu programma çerçivesinde 3,7 million devlet içinde alınğan kişi mesken aldı. DAKni yerleştirgen ev hocalığınıñ saiplerine umumen 2,6 milliard grvina tazminat ödendi.
Qoşma malümat:
BMTnıñ Qaçaqlar meseleleri agentligi eñ az 130 ülkede çalışa. Cenk, çatışmalar ve taqipler sebebinden öz evlerini terk etmege mecbur qalğan insanlarnı qorçalay.
2022 senesi Ukrainada Agentlik ve onıñ ortaqları eñ az 4,3 million kişini destek ettiler. 2023 senesi boş aynıñ soñunda ise 2,5 million kişini destek ettiler.