“Rada” telekanalının canlı yayınında vitse baş nazir İrına Vereşçuk bunı bildirdi. Onıñ sözlerine köre, bu küçük ukrain vatandaşlarına dair mesele, Cenk vaziyeti şartlarında bala aqlarını qorçalav meseleleri idare ştabınıñ muntazam kün mevzusıdır.

Şu anda Ükümet VİETda bulunğan ana-babanıñ vasiyliginden marum etilgen balalar ve öksüz balalarğa diqqat celp ete. İrına Vereşçuk tafsilâtlıca añlattı ki, şu anda tahminen 4 biñ statuslı bala VİETda buluna ya da rusiyege qanunsız olaraq sürgün etildi.

Bunıñ içün keçken afta Ükümet, müim qarar berdi. Oña köre, akimiyetniñ maqbul organlarınıñ reberleri Milliy politsiyağa tecavuzcı bir devletke zoraki ketirilgen ya da VİETda qalğan ve ana-babanıñ vasiyliginden marum etilgen öksüz balalarnı qıdıruv aqqında arizalarnı yollamaq kerekler.

Bundan ğayrı, balalar meseleleri hızmeti, 7 kün devamında bağlanamağanları içün aile türlü bala eviniñ qapatılması ya da vasiylik ailesiden bala almaq qararlarını bere bileler. Ya da vasiy etilgen balalar aqqında (şu cümleden, olarnıñ sağlıq alı aqqında) malümat yollamasalar, bala almaq qararlarını bere bileler.

“Bu statuslı balalardır, bunıñ içün devlet olaraq biz, olarnen olğan er şeyni kontrol etmelimiz. Nasıl şartlarda yaşağanları, ne aşağanları ve kerekli şekilde baqılğanlarını kontrol etmelimiz. Añlamaq kerek ki, bu talaplarğa riayet eterek, vasiyciler para alalar. Bunıñ içün şimdi bu balalrnıñ Ükümetniñ kontrol etkeni topraqlarğa qaytamalarına diqqat celp etecekmiz. Olarnıñ telükesizlikte bulunğnalarını, kerekli er şeyge saip olğanları ve baqılğanlarını bilmek müimdir”, – dep vitse baş nazir hulâsa çıqardı.