İsveçiya Federal şurası, qış mevsiminde üklemizniñ ealisini destek etmek içün daa 11,8 million isveç frankını (tahminen 13,6 million dollar) ayırmağa qarar berdi. İsveçiya ükümetiniñ saytında bu aqqında haber berdiler.

Bildirildi ki, ukrainalılarğa yardım etken bir qaç ükümetsiz teşkilâtqa bu para üleştirilecektir.

Şu cümleden, İsveçiya inkişaf ve işdeşlik agentligi, Ukrainadaki BMTnıñ Gumanitar fondunıñ yardım programmasınıñ destegini 1,8 million isveç frankına arttırdı. Bu para qızdıruv, qış urbası, kiralıq destegi ve evlerni issitirüvine üleştirilecektir.

Bundan ğayrı, qış yardımı programmasını detsek eterek BMTnıñ Qaçaqlar meseleleri yuqarı komissarınıñ İdaresine 3 million isveç frankı (deyerli 3,5 million dollar) berilecektir. Para devlet içinde alınğan kişiler, cenkten zarar körgen topraqlarda yaşağan insanlarğa yollanacaqtır.

Aynı zamanda bozulğan energetik astyapınıñ tamir etilmesi içün İsveçiya iqtisadiyat meseleleri devlet kâtibiyeti, Avropa işdeşligi energetika destek fondundan 10 million isveç frankını (tahminen 11,6 million dollar) ayıra.

Umumen bu qış ukrainalılarğa yardım etmek içün İsveçiya tahminen 26 million frank (tahminen 30 million dollar) ayırdı.