Yañı yıl yahşı haberlernen başlandı. Bunıñ içün ReNazirligi, “İnsan aqları içün ukrain ağı” CTnıñ idaresiniñ başı Darya Kasyanovağa ve uquqçı Katerına Bobrovskağa teşekkür bildire. Olarnıñ semereli ve israrlı işi yardımınen Ukrainağa daa çoq sürgün etilgen bala qayta.

Olardan üçü Bohdan, Serhiy ve Oleksandr vitse baş nazir İrına Vereşçuknen şahsen körüştiler. Keleçek planları, içtimaiy teminat, oquv aqqında laf ettiler.

Oğlanlar, sürgünlik devirini isteksiz hatırlaylar. 2022 senesi mayıs ayında sağlığını tüzetmek içün oğlanlar Moskva vilâyetindeki “Polânı” sanatoriyine kettiler. Umumen bu gruppada 31 bala edi, bunıñ içün onıñ adı “Gruppa 31” oldı. Olar arasında 16 oğlan ve 15 qız edi. Sürgünlik vaqtında eñ küçük balanıñ 6 yaşı, eñ büyük 17 yaşı bar edi.

O vaqıttan berli insanlar, bu balalar aqqında malümat toplaylar. Olardan altısı endi qaytarıldı.

Qıdırıcı iş vastasınen rusiyenen işdeşlik yapqan ve balalarnı zoraki sürgün etmege yardım etken insanlarnıñ adlarını ögrendiler. Olardan bazıları endi sanktsiyalar astında buluna.

Hatırlatamız ki, vaqtınca işğal etilgen ya da rusiye topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, Milliy malümat bürosınıñ sıcaq hattına telefon etmek mümkün: 16-48.