2023 senesi ve 2024 senesi qara qış ayınıñ 3-ünde esirler deñişmesi vaqtında duşman esirliginden azat etilgen 1195 erkek ve 29 qadın aqqında laf etemiz.

Böylece, keçken seneden berli esirlikten azat etilgen 1224 insan  ilk kerekli eşyalarnen temin etildi. ReNazirligi ve Milliy malümat bürosı (MMB) olarnı azırladılar.

Eşyalar arasında Ukraina devlet bayrağı, urba, ayaqqabı, sanitar-gigiyena eşyaları, cep telefonı, aşayt mahsulatı, kantselâriya edi. ReNazirliginiñ 18.05.2022 senesi 95. emrinen azat etilgen insanlarnıñ esas (temel) ihtiyaclarını qanaatlendirmek içün eşyalar cedveli tasdıqlandı.

Qayd etemiz ki, 2023 senesi maqbul bücet programmasına umumen 11,1 million grivnağa 1403 insan içün yaz ve qış eşyaları alındı.

ReNazirliginiñ idare saasına ait olğan ve Milliy malümat bürosınıñ vazifelerini yapqan “Ukrain milliy barışıq inkişafı merkezi” devlet teşkilâtı, satın aluv ceryanını keçirdi.