Baş nazir Denıs Şmığalnıñ emrinen nazirlikler, ZMINA insan aqları merkezi ve başqa meraqlanğan müessiseler ve teşkilâtlarnen beraber ReNazirligi, Akimiyet yañıdan yaratuvı ve işğalden azat etilecek topraqlarınıñ ealisiniñ reintegratsiyasına dair devlet siyaseti strategiyasını azırlay.

Şu anda Strategiyanıñ ilk qaralaması azır, maqsadı ve printsipleri qayd etildi. Bundan ğayrı, strategik maqsatlar ve mesele al etici yollar şekillendi. Bütün meraqlanğan taraflarnıñ vesiqağa öz teklişlerini kirsetmege imkânı bar.

Aynı zamanda muayyen nazirlikler, akimiyet yañıdan yaratuvı ve ealiniñ reintegratsiyasınen bağlı öz kontseptsiyalarnı faalca azırlaylar. Şu cümleden, şu anda mahsus iş gruppası, İAETda tasil yañıdan yaratuvınen bağlı kontseptsiyanı baqa.

İçtimaiy siyaset nazirligi, içtimaiy saada vaziyet yahşılaştırmaq içün areketler planına dait qarar leyhasını azırlap yolladı.

Sağlıq nazirliginiñ de işğalden azat etilecek topraqlarda ukrain sağlıq sistemasını qaytaruvı kontseptsiyasına dair öz azırlamaları bar.

Aynı zamanda Medeniyet ve malümat siyaseti nazirligi, eki yönelişte kontseptsiya azırlay: ealiniñ medeniy ve malümat reintegratsiyası.

Adliye nazirliginiñ, içtimaiy al aktlarını qayd etici memuriy yol-yoruq saasında öz nazar noqtası bar. Şu anda cemaat tarafında berilgen tekliflerni baqa.

İqtisadiyat nazirligi, iqtisadiy faaliyet qaytarmaq maqsadınen teklif etecek iş gruppasını teşkil etti. Şu cümleden o, biznes içün qolaylaştırılğan şartlarnı yaratmaq, meseleler ve çağıruvlarnı tesbit etmek ve olarnı al etüv yollarını tapmaq kbi vazifelerni yapacaq.

“Semereli kontseptsiyalarnı azırlamaq içün mükün olğan çoq ğayert köstermelimiz. Ukraina bütün topraqlarını mıtlaqa qaytaracaq. Ve topraqlarımız işğalden azat etilecek soñ devlet siyasetiniñ açıq-aydın añlamasına ihtiyacımız bar”, – dep İAET meseleleri idare ştabınıñ oturışında vitse baş nazir İrına Vereşçuk qayd etti.