Vitse baş nazir İrına Vereşçuknıñ başlığınen tedbir keçirildi. Oturışta Ukraina Prezidentiniñ Qırım Muhtar Cumhuriyetindeki Vekilligi, Qırımtatar Milliy Meclisi, Milliy Politsiya, Devlet migratsiya hızmeti ve Telükesizlik hızmetiniñ memurları iştirak ettiler.

VİETda yaşağan ve Ukraina devletine qarşı cinayet yapqan Ukraina vatandaşlarınıñ ecnebiy ülkelerde qanunlığına qarşılıqqa diqqat celp ettiler.

Böyle ıntıluvlarnı evelden yoq etmek maqsadınen oturışnıñ iştirakçileri, mezkür yönelişte idare etilgen çalışmaq içün meraqlanğan organlar arasında malümatnen daa çoq paylaşmağa añlaştılar.

Bundan ğayrı, duşmanen işdeşlik faaliyeti içün cinaiy mesüliyet qısmında qanunlarnı mükemmelleştirmege çalışacaq iş gruppasını teşkil etmege teklif ettiler. Şu cümleden olar, duşmannen işdeşlik ya da tecavuzcı bir devletke yardım areketlerini açıq-aydın şekilde tesbit emege çalışacaqlar.

“Duşmannen işdeşlik yapqan insanlar, ukrain vesiqalarını qullanaraq, ecnebiy ülkelerge ketmege ve qanuniy şekilde anda bulunmağa imkânını qıdıralar. Bunı yoq etmek içün areket etmelimiz. Bunıñ içün böyle vaqialarnı evelden yoq etmek ve uyğun ekilde qarşılıq köstermek içün quvet saasınıñ ve devlet müessiseleriniñ vekillerini maqbul müessiselernen açıq-aydın alâqa qurmağa çağıram”, – dep İrına Vereşçuk qayd etti.