Bu aileler, ruslar tarafından viran etilgen ev tazminatını aldılar ve yaQuruv ükümet programması çerçivesinde taşınılmaz mülk aldılar. Cemaatlar, topraqlar ve astyapınıñ inkişafı nazirligi bu aqqında haber berdi.

Olar arasında em daireler, em de evlerni saylağan Kıyiv ve Donetsk vilâyetlerinden alelerdir.

Berilgen ve baqılğan arizalarnıñ sayısı artıp tura. Bundan ğayrı, yañı alış-veriş añlaşmaları imzalana.

Şu anda zarar körgen aileler, mesken sertifikatlarını qullanaraq, añlaşa bilgen 677 notariusnıñ hızmetlerini ala bileler. Bağlantığa basıp, olar aqqında malümatnen tanış olmaq mümkün.

Hatırlatamız ki, mesken sertifikatını almaq içün, Diia vastasınen mahv etilgen mülk aqqında ariza bermek kerek. Bundan soñ eyyet onı işleycek ve tazminat miqdarını tesbit etecek. Bundan soñ siziñ qullanımıñızda maqbul malümatnen mesken sertifikatı peyda olacaq.